Beethoven200: Piano Concerto 4

Matul l-istaġun 2026–2027, l-MPO se tfakkar il-200 anniversarju mill-mewt ta’ Beethoven permezz ta’ sensiela ta’ kunċerti li se jiġu ppreżentati tul l-istaġun kollu. Il-kunċerti fis-sensiela Beethoven200 se jkunu taħt id-direzzjoni tad-direttur Ġermaniż ta’ fama internazzjonali, Wolfram Christ.

Is-sensiela tiftaħ bi programm li jesplora temi ta’ eroiżmu, umanità u immaġinazzjoni profonda, u li jwassal lis-semmiegħa mill-enerġija mitika tal-overtura minn The Creatures of Prometheus sat-tensjoni drammatika tal-Leonore Overture No. 3. Il-pjanista rinomat Freddy Kempf se jkun qed idoqq il-Piano Concerto No. 4, opra ta’ intimità poetika straordinarja u innovazzjoni diskreta, li tibbilanċja l-kontemplazzjoni interjuri ma’ mużika brillanti li tgħaxxaq.